Kryebashkiaku i Këlcyrës, Klement Ndoni, është përfshirë në një aksident rrugor. Ngjarja ka ndodhur rreth orës 19:00 të së premtes mbrëma, shumë pranë grykës së Këlcyrës.
Mësohet se Ndoni ka humbur kontrollin e automjetit të tij duke u përplasur me bordurën anësore dhe më pas ka dalë nga rruga.
Bashkë me të, në automjet, ishin edhe dy persona të tjerë: Sandër Seferi dhe Hodian Selmani, ky i fundit kryetar i PS në Këlcyrë.
Mësohet se personat kanë dëmtime të lehta dhe janë jashtë rrezikut për jetën. Ata janë dërguar gjatë natës për ndihmë mjekësore në spitalin rajonal ‘Omer Nishani’ të Gjirokastrës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
