Policia ka arrestuar drejtuesin e mjetit që u aksidentua dje në Gramsh.
Ngjarja ndodhi mbrëmjen e kaluar në aksin rrugor Korçë-Gramsh, në fshatin Çekrez.
Policia thotë se është vënë në pranga shtetasin M. Gj., 28 vjeç, banues në Tiranë.
Siç njofton policia, 28-vjeçari mbrëmjen e djeshme humbi kontrollin mbi mjetin “Fuoristradë” që transportonte në mënyrë të paligjshme 9 shtetas nga vendet e treta dhe për pasojë mjeti doli nga rruga, ku dy persona humbën jetën dhe 7 të tjerë ndodhen në spital për ndihmë mjekësore.
Materialet hetimore i kaluan Prokurorisë pranë Gjykatës së Shkallës Parë Elbasan, për veprat penale “Shkelja e rregullave të qarkullimit rrugor me pasojë vdekjen dhe plagosjen e disa personave” dhe “Ndihma për kalim të paligjshëm të kufijve, me pasojë vdekjen dhe plagosjen e disa personave”, ku parashikohet dënimi nga 15 vjet deri në burgim të përjetshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.