.png)
Gazeta Si - Policia Rrugore është vendosur në aksion në të gjitha akset kombëtare problematike këtë fundjavë për të parandaluar aksidentet dhe ndëshkuar shkelësit e qarkullimit rrugor.
Në një njoftim, thuhet se janë arrestuar 45 shoferë për drejtim mjeti në gjendje të dehur, pa leje drejtimi apo në efektin e lëndëve narkotike.
Ndërsa, janë pezulluar 109 leje drejtimi, kryesisht për shpejtësi tej normave të lejuara dhe për drejtim mjeti në efektin e alkoolit apo të lëndëve narkotike
Sakaq, janë ndëshkuar me masë administrative gjithsej 27.377 drejtues automjetesh dhe motomjetesh, për shkelje të ndryshme,
Nisur nga shtimi i fluksit të automjeteve, kryesisht drejt zonave bregdetare, turistike dhe qendrave tregtare e urbane, si dhe bazuar në analizën e detajuar të shkaqeve të ngjarjeve rrugore, Policia Rrugore në të gjithë vendin ka marrë një sërë masash shtesë, me qëllim rritjen e parametrave të sigurisë rrugore.
Në të gjitha akset nacionale dhe qendrat e mëdha urbane janë intensifikuar monitorimet me mjetet inteligjente, radarët automatikë, me kamera dhe me patrulla të lëvizshme me mjete të paloguara.
Policia thekson se janë goditur nga Policia Rrugore e Tiranës, 4 raste të tentativës për të korruptuar punonjësit e Policisë Rrugore, nga drejtuesit e automjeteve, me qëllim shmangien e masës adiministrative për shkeljen e kryer.
Në të gjithë vendin janë evidentuar dhe ndëshkuar me masë administrative gjithsej 27 377 drejtues automjetesh dhe motomjetesh, për shkelje të ndryshme, nga këto:
1254 drejtues automjetesh që përdornin celularin gjatë drejtimit të automjetit;
7845 drejtues automjetesh që qarkullonin me shpejtësi tej normave të lejuara, por pa masën plotësuese pezullim i lejes së drejtimit;
1516 drejtues automjetesh, për mosvendosje të rripit të sigurimit;
13 543 drejtues automjetesh, për parkime të gabuara;
351 drejtues motomjetesh, për mosvendosje të kaskës mbrojtëse.
2306 drejtues mjetesh janë ndëshkuar për parakim të gabuar.
562 për shkelje të tjera të Kodit Rrugor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
