Gazeta Si – Goditja e madhe e verës për Realin e Madridit, sipas asaj që shkruajnë gazetat në Spanjë, është mesfushori anglez Jude Belingham. ‘Marca’ zbulon edhe detajet, duke sqaruar se firma mes palëve është thuajse e mbyllur.
Futbollisti i Borusias së Dortmundit do të transferohet në Spanjë gjatë verës për të nisur një aventurë të re me një nga klubet më të mëdha në botë. Sipas të përditshmes spanjolle, mesfushori i datëlindjes 2003 do të firmosë një kontratë deri në vitin 2029.
Belingham do t’i kushtojë Realit rreth 120 milionë euro. Njoftimi zyrtar për transferimin do të bëhet sapo të përfundojë Bundesliga. Borusia e bleu lojtarin në vitin 2020 nga Birmingemi për shifrën e 25 milionë eurove. Tani vlera e mesfushorit është shumëfishuar.
Për këtë futbollist janë interesuar gjatë kësaj periudhe edhe shumë klube nga Premier Liga, por Reali duket se ka siguruar tashmë shërbimet e njërit prej mesfushorëve më premtues dhe me më shumë kualitet. Belingham është një pasues i denjë i Modriç dhe Kros.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.