.png)
Gazeta Si - Gjykata e Posaçme e Apelit lë në fuqi masën e sigurisë “arrest në burg” për Silvi Shehun, inxhinierin e kompanisë së Vladimir Topit, i akuzuar për aferën korruptive në Ministrinë e Shëndetësisë ku dyshohet të jetë përfshirë sekretarja e përgjithshme, Joana Duro.
Sipas SPAK, inxhinieri është personi që mori paratë e ryshfetit te pronari i tij dhe i dërgoi te Duro.
Topi i ka dhënë ryshfetin prej 330 mijë lekësh inxhinierit, që më pas ia ka kaluar Laura Shtetos, për t’ia dhënë Sekretares së Përgjithshme të Ministrisë së Shëndetësisë, Joana Duro, në mënyrë që kjo e fundit të ndërhynte për t’i dhënë kësaj firme në mënyrë të paligjshme një tender.
Tre ditë pas arrestimit, Shkalla e Parë liroi pronarin e tij, që i dha paratë Shehut për t’ia çuar kryesrkretares Duro, për shkak të moshës 73-vjeçare.
Në burg për aferën me tenderat, ndodhen ende Joana Duro dhe specialistja e lartë e shërbimeve publike Laureta Shteto.
Sipas SPAK, kjo e fundit është personi që kishte marrë zarfin me 330 mijë lekë të cilat u dhanë si ryshfet për tenderin e supervizimit të 16 qendrave shëndetësore në Tiranë dhe në Durrës, e fituar nga kompania “Dricons” e Vladimir Topi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
