.png)
“Adria Airways” ka paraqitur një mocion për procedurat e falimentimit të kompanisë në Gjykatën e Rrethit Kranj, Slloveni.
Sipas njoftimit zyrtar të kompanisë, procedurat e falimentimit nisën për shkak të pamundësisë për të shlyer detyrimet financiare të saj, bazuar në rregullat për Operacionet Financiare Sllovene, Procedurat e Falimentimit dhe Aktin e Zhdukjes së Detyrueshme (ZFPPIPP).
Gjykata ka një periudhë tre-ditore, brenda së cilës duhet të vendos për fillimin e procedurave të falimentimit.
Në njoftimin e saj, kompania shprehet se do të anulojë të gjitha fluturimet e planifikuara për shkak të nisjes së procedurave të falimentimit.
Kompania do të njoftonte disa ditë më pare se ishte në bisedime me disa investitorë pasi qeveria sllovene e kishte refuzuar ta mbështeste.
Kompania këshillon të gjithë pasagjerët e prekur nga anullimi i fluturimeve, të vendosin kontakt me agjencitë që kanë bërë rezervimet, për të marrë informacionin e nevojshëm, se si do të procedohet me rezervimet dhe udhëtimet e mundshme të tyre.
Referuar të dhënave zyrtare të ardhura në Autoritetin e Aviacionit Civil për muajin qershor Adria Airways kishte 4 % të tortës së tregut të fluturimeve duke lënë pas Turkishin, Luftansën dhe British Airways.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
