Festat e 28 dhe 29 Nëntorit kanë detyruar qeverinë Rama që të nxjerrë një vendim të posaçëm duke i dhënë dhe një ditë shtesë pushimi administratës shtetërore. Meqenëse nga kalendari ditët e pushimeve për ditën e Pavarësisë, 28 Nëntorin dhe 29 Nëntori, ditën e Çlirimit, i bien e Mërkurë dhe e Enjte, qeveria ka vendosur që dhe të premten ta lërë pushim administratën.
Kështu data 30 nëntor do të jetë pushim për punonjësit e administratës shtetërore, duke bërë që ata të kenë gjithsej pesë ditë pushim, duke llogaritur të Shtunën dhe të Dielën. Mbledhja e sotme e Këshillit të Ministrave ka vendosur gjithashtu që “Dita e punës, e datës 30.11.2018, do të zëvendësohet në një nga ditët e pushimit brenda këtij viti”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.