.png)
Nga Gazeta Si - Vangjel Tavo ka mohuar të jetë kontaktuar nga kryeministri Edi Rama për të marrë drejtimin e përkohshëm të Bashkisë Himarë.
“Nuk ka asgjë të vërtetë në lajmet greke. S’kam asnjë dëshirë të angazhohem në politikë”, është shprehur ai.
LEXO EDHE:
'Kathimerini': Rama i kërkoi Vangjel Tavos të drejtojë përkohësisht Bashkinë e Himarës
Një ditë më parë, media greke ‘Kathimerini’ shkruante se kryeministri shqiptar, Edi Rama ka takuar Vangjel Tavon dhe se i ka kërkuar këtij të fundit të drejtojë bashkinë e Himarës.
Kathimerini publikoi edhe pjesë të bisedës së tyre duke iu referuar si burim miqve të afërt të Tavos.
Ndërkohë, kryebashkiaku i zgjedhur i Himarës, nga zgjedhjet lokale të 14 majit, Fredi Beleri, ndodhet në arrest me burg, me akuzën e blerjes së votave.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
