Biznes

“A është e lehtë të investosh në Shqipëri?” Ambasada Amerikane shuplakë për të gjithë

Ambasada e SHBA ka shpërndarë në rrjetet sociale një pjesë nga emisioni “31 minuta” që transmetohet nga Televizioni Publik Shqiptar, ku flitet për dhunimin në vendin tonë të biznesmenit amerikano-libanez Faadi Mitri, i cili planifikonte të ndërtonte një kompleks multi milionësh në Gjirin e Lalzit.

Emisioni gjithashtu përmend edhe veprimet korruptive të gruas së gjyqtarit Gjin Gjoni që nxorri jashtë loje nga gara për ambientet e dyqaneve Duty Free në aeroportin e Rinasit një kompani amerikane.

“A është e lehtë të bësh biznes dhe të investosh në Shqipëri? Ky biznesmen amerikan, për fat të keq, do të thoshte “jo”, thotë deklarata e fortë e Ambasadës Amerikane në Tiranë.

A është e lehtë apo e vështirë të besh biznes në Shqipëri?

Në pjesën e parë të "31 Minuta" për sonte i kushtojmë hapësirë të veçantë klimës së biznesit në Shqipëri. A është e lehtë apo e vështirë të besh biznes? Po investitorët e huaj me çfarë të papriturash dhe pengesash përballen ku vijnë këtu? A ka një mjedis te sigurt ekonomik, ligjor dhe a ekziston konkurrenca e ndershme? Historia qe do te përcjellim është një garë e zakonshme mes biznesesh private qe kthehet në një lufte të egër dhe me rregulla te xhunglës kur në të përfshihen struktura të shtetit dhe gjykata.

Gepostet von 31 Minuta am Mittwoch, 13. November 2019

Në video flitet për Faadi Mitrin një biznesmen nga Libani, që erdhi në Shqipëri për të investuar në një projekt ambicioz në fushën e turizmit. Por ai iku pasi një vendim i kontestuar i Gjykatës së Durrësit, tokën publike ku ai kishte marrë lejen e ndërtimit, ia njohu si pronë dikujt tjetër. Fundi i betejës gjyqësore dhe administrative ishte keqtrajtimi brutal i biznesmenit libanez. Poashtu në video rrëfehet gjerësisht edhe historia e International Cruise Duty Free, që edhe pse ka fituar tenderin për dyqanet Duty Free në Aeroportin e Rinasit, përsëri nuk mund ta ushtrojë këtë biznes, pasi dyqanet vazhdojnë të shfrytëzohen në kundërshtim me ligjin nga Albania Duty Free Distribution, një kompani e drejtuar nga Elona Çaushi, bashkëshorte e gjyqtarit Gjin Gjoni.


Më Shumë