Kryeministri Edi Rama i është kthyer sërish incidentit të sotëm në Kuvend, ku u godit me bojë nga nënkryetari i Partisë Demokratike Edi Paloka.
Në profilin e tij në “Facebook”, në rubrikën “përgjigja ime”, Rama e quajti këtë të sotmen ditë të budallallëkut të opozitës.
“Asnjë armik i kombit s’do ta prishte imazhin e vendit”, tha kreu i qeverisë, duke kujtuar që në sallë ishte edhe kyeparlamentari i Maqedonisë së Veriut, Talat Xhaferri.
“Problemi i budallait të vetëdijshëm është krenaria. Budallai ishte një person që hodhi bojën përpjetë në Kuvend. Është një lloj i veçantë budallai. Në rastin tonë ky problem budallai është një njeri me shiringë në dorë që e hedh bojën përpjetë në parlamentin e vendit. Por atë e mbështet një parti e tërë parlamentare, – vijoi ai. – Sot ishte dita kur edhe tek gjithë qytetarët e Maqedonisë i kishin sytë tek kuvendit shqiptar. Për fatin më të keq u bë sot dita e budallait shembullor. Sot ishte dita e Arbër Xhaferit që sakrifikuan për flamurin, për historinë dhe për shqiptarët. Sot ne jetojmë përmes veprës së tyre. Opozita sot e ofendoi mikun e ardhur nga Maqedonia duke shkelur çdo traditë dhe normë shqiptare”, u shpreh Rama.
Pas këtij incidenti, Byroja e Kuvendit vendosi që të përjashtojë për 10 ditë nga seancat dhe komisionet parlamentare Edi Palokën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
