Kryetari i Kuvendit të Maqedonisë së Veriut, Talat Xhaferi është sot për një vizitë zyrtare në Tiranë, ku në agjendën kryesore është dhe pjesëmarrja e tij në në seancën e Kuvendit të Shqipërisë, ku do të ratifikohet protokolli për anëtarësimin e vendit fqinj në NATO.
Në fillim do të pritet nga Kryetari i Kuvendit, Gramoz Ruçi dhe më pas Xhaferi do të marrë pjesë edhe në seancën plenare të Kuvendit, në të cilën do të votohet ratifikimi i Protokollit të aderimit të Republikës së Maqedonisë së Veriut në NATO.
Pas votës unanime nga Komisioni i Ligjeve për votimin e protokollit të anëtarësimit të Maqedonisë së Veriut në NATO, në të njëjtën linjë votoi edhe Komisioni i Jashtëm.
Me një frymë të gjerë konsensusi, anëtarët e mazhorancës dhe të opozitës i hapën dritën jeshile anëtarësimit të shtetit fqinj në Aleancën e Atlantikut të Veriut.
Pas dy qëndrimeve pozitive në dy komisionet parlamentare, të enjten do të jetë Kuvendi i Shqipërisë ai i cili pritet të ratifikojë zyrtarisht anëtarësimin e saj në NATO.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
