Një 43-vjeçari nga Tirana i është bërë një atentat me armë zjarri mëngjesin e sotëm në rrugën “5 Maji” në kryeqytet.
Ka qenë vetë shënjestra e atentatit, me iniciaale E.K, ai që ka njoftuar policinë për ngjarjen, duke telefonuar rreth orës 06:30 në numrin e Emergjencave 112.
Sipas policisë, bëhet e ditur se në rrugën “5 Maji”, pranë Medresesë, një person i paidentifikuar ka qëlluar me armë zjarri në drejtim të tij, pak pasi kishte dalë nga banesa dhe më pas është larguar.
Shtetasi E. K., nuk ka pësuar lëndime, ndërsa shërbimet e policisë po punojnë për identifikimin dhe kapjen e autorit. Dyshohet se ndaj tij është qëlluar me disa plumba, por për fat asnjë nuk e ka prekur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
