Një ditë pas ekspozimit të skulpturave abstrakte personale në Berlin të Gjermanisë, kryeministri Rama është shfaqur sërish provokues.
Këtë herë, ajo që ka goditur ka qenë veshja e kreut të qeverisë, i cili ka zgjedhur të ndryshojë edhe foton e profilit të tij në “Twitter”.
Ai shfaqet i veshur me pantallona të gjera treçerekshe, ndërsa mban në duar një punim të tij mbi mur. Nuk është hera e parë që Rama vishet në këtë mënyrë, pasi edhe në takime zyrtare, edhe me homologë të huaj është paraqitur me kostum dhe atlete të bardha.
Ekspozita e Ramës është hapur të premten në kryeqytetin gjerman dhe në skulpturat e tij kishte punime me emrat e ish-ministrave të qeverisë, apo numrat e telefonit të bashkëpunëtorëve të tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
