Me 151 vota pro dhe 148 kundër, nga 299 deputetë të pranishëm në sallë, qeveria Cipras mori votëbesimin e Parlamentit.
Ditët e fundit, parlamenti grek ishte përfshirë në debate politike, për votëbesimin e qeverisë që kërkoi kryeministri helen, pas dorëheqjes së ministrit të Mbrojtjes, Panos Kammenos, nga koalicioni qeveritar dhe largimit të partisë së tij “Grekët e pavarur”, që kundërshton marrëveshjen e Prespës.
Nëse kryeministri grek nuk do të arrinte të fitonte mbrëmjen e sotme, shumicën prej 151 votash, vendi do të shkonte në zgjedhje të parakohshme.
Por, edhe me marrjen e votëbesimit, ai duket se do të ketë vështirësi kur të sjellë marrëveshjen e Prespës në Parlament për votim, pasi orët e fundit partia Potami (Lumi), në shenjë hakmarrjeje për një deputet të saj që mbështet qeverinë, mendon të mos e votojë marrëveshjen duke ndryshuar kështu qëndrimin e muajve të fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
