Një grua e re ia ka dalë të sjellë në jetë fëmijën e saj të dytë në ambientet e shtëpisë, ndërsa ka qenë e pamundur të lindë në maternitet për shkak të motit të keq.
E ndihmuar nga infermierja e Qendrës Shëndetësore Labinot Katund, në Elbasan, ajo ka mundur të lindë në kushtet e shtëpisë, duke ia dalë me sukses.
E reja nuk ka mundur të shkojë në spital për shkak të motit të keq, teksa e kishte kuptuar se duhej të lindte për shkak të dhimbjeve.
Familjarët saj kanë tentuar që të lëvizin me automjet, por ishte e pamundur për shkak të ngricës dhe borës në rrugë. Kështu që në ndihmë ka shkuar infermierja e zonës dhe brenda një ore fëmija ka ardhur në jetë.
Familjarët kanë kërkuar ndihmën e shërbimit mjekësor dhe menjëherë një ambulancë është nisur drejt banesës së 25-vjeçares Luljeta Coca. Kur ambulanca mbërrin në banesën e saj, bebja i seksit mashkull kishte lindur.
Mësohet se nëna ka lindur pa ndërlikime dhe është transportuar me autoambulancë në maternitetin e Elbasanit, ku aktualisht po merr trajtimin e nevojshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
