Dy studentët e Universitetit të Tiranës të cilët u shoqëruan në polici pasditen e sotme, janë liruar në orët e mbëmjes.
Pas rreth dy orësh ku janë marrë në pyetje nga oficerët e policisë, studentët janë lënë të lirë. Ata janë pjesë e protestuesve që nisën sot tubimin e parë masiv për këtë vit. Të rinjtë janë identifikuar si Vilson Kulemani dhe Gëzim Almeta.
Arsyeja e ndalimit dhe shoqërimit për në Komisariatin nr 1, dyshohet se është bërë pasi dy studentët kanë penguar zhvillimin e mësimit në Universitetin Politeknik, duke mbyllur me forcë dhe kyçur me dryn dyert e auditoreve, të Politeknikut dhe të Juridikut.
Po ashtu, dyshohet se ata shpalosën edhe një banderolë të madhe në këtë universitet. Drejt Komisariatit 1 kanë shkuar edhe studentë të tjerë për të qëndruar pranë tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
