.png)
Gazeta Si – Qeveria britanike i ka kërkuar FIFA-s të nisë një hetim ndaj kombëtares argjentinase, pasi disa lojtarë shpalosën një pankartë ku shkruhej “Las Malvinas son Argentinas” (“Malvinat/Falkland-et janë argjentinase”) pas fitores 2-1 në gjysmëfinalen e Kupës së Botës kundër Anglisë.
Sekretari britanik për Biznesin, Peter Kyle, e cilësoi gjestin si “krejtësisht të papërshtatshëm”, duke përsëritur se “politika duhet të qëndrojë jashtë futbollit” dhe duke shtuar se FIFA “duhet patjetër ta shqyrtojë çështjen”.
Argentina players take banner from their fans and bring it onto the pitch, it read: "The Falkland Islands are Argentinian."
— Sky News (@SkyNews) July 15, 2026
The moment happened after the team beat England in the World Cup semi-finals.
Read more: https://t.co/6VH3V6BYSE pic.twitter.com/As1dJbE4RM
Pak orë pas përfundimit të ndeshjes, Buenos Airesi paraqiti gjithashtu një protestë zyrtare pranë ambasadës britanike lidhur me kalimin e anijes së Marinës Mbretërore “HMS Medway” përmes Ngushticës së Magelanit, duke e cilësuar atë si një “ndërhyrje ushtarake” dhe duke përsëritur se “historikisht, me të drejtë dhe me bindje, Ishujt Falkland janë argjentinas”.
Ndërkohë, Londra këmbëngul se anijet e saj detare nuk kanë nevojë për asnjë autorizim argjentinas për të operuar në Atlantikun e Jugut.
Mosmarrëveshja midis Mbretërisë së Bashkuar dhe Argjentinës për kontrollin e ishujve Malvinas – ose Falkland – ekziston prej shekujsh; gjatë periudhës koloniale, britanikët krijuan një postë në Port Egmont dhe më pas zgjeruan praninë e tyre.
Pavarësisht kontrollit të Londrës, Argjentina ka pretenduar gjithmonë juridiksion mbi ishujt për shkak të afërsisë së tyre me kontinentin.
Pas një periudhe të gjatë tensionesh midis dy qeverive, lufta shpërtheu në vitin 1982; konflikti zgjati 74 ditë dhe përfundoi me dorëzimin e Buenos Airesit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje