.png)
Gazeta Si – Kryebashkiaku i Tiranës, Erion Veliaj nuk ka pranuar të jetë i pranishëm në seancën e radhës në GJKKO, që po zhvillohet në themel ndaj tij dhe 18 të pandehurve të tjerë.
I përfaqësuar nga avokati i tij, Plarent Ndreca, mësohet se Veliaj i ka dërguar një shkresë gjykatës, ku i bën me dije se nuk do të marrë pjesë në seancë për shkak të kafazit të qelqtë.
“Nuk është e hijshme e as dinjitoze”, mësohet të ketë shkruar kreu i Bashkisë së Tiranës, i cili ndodhet në paraburgimin e Durrësit prej 10 shkurtit 2025.
Ndërkohë, gjykata nuk pranoi kërkesën e mediave për të transmetuar drejtpërdrejt seancën gjyqësore, e cila u shty për shkak të mungesës së avokatëve Maks Haxhia dhe Dritan Jahaj.
Prokurori i posaçëm, Olsi Dado kërkoi shtyrjen e seancës, duke argumentuar se në këto kushte procesi nuk mund të zhvillohet normalisht.
Dy vendime që u morën në këtë seancë të shkurtër, ishin pezullimi për të dytën herë i afateve të paraburgimit për Veliajn dhe vënia në dispozicion e 24 fashikujve hetimorë.
“I mbrojturi prej meje nuk është bërë asnjëherë pengesë për vijimin e gjykimit, madje në deklaratën që lexuat ai thotë se nuk do paraqitet por do të përfaqësohet prej meje. Nuk ka pse i pezullohen afatet e paraburgimit”, tha Ndreca.
Në këtë fraksion të dosjes “Veliaj”, kryebashkiaku me të pandehirit e tjerë po gjykohet me proces të zakonshëm dhe jo me gjykim të shkurtuar.
Sipas SPAK, Veliaj dhe bashkëshortja e tij, Ajola Xoxa, ideuan dhe vunë në jetë një skemë korrupsioni të shtrirë në kohë, për të përfituara nga fondet publike të bashkisë së kryeqytetit.
Fondet e bashkisë, sipas Prokurorisë se Posaçme, i janë dhënë fillimisht biznesmenëve të vënë nën hetim dhe më pas në formën e korrupsionit, janë kthyer te kryebashkiaku, ndërsa biznesmenët kanë përfituar në këmbim fonde publike e leje ndërtimi.
Të pandehurit
Erion Veliaj
Ajola Xoxa
Gentian Sula
Meriman Palushi
Shkëlqim Fusha
Sokol Kryeziu
Linda Kazani
Erald Simixhiu
Ina Goxhaj
Valmir Xoxa
Flutura Xhani
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje