.png)
Nga Gazeta Si- Mijëra qytetarë janë mbledhur edhe sot në ditën e 9-të të protestës paqësore në Tiranë kundër qeverisë dhe kryeministrit Edi Rama, duke kërkuar dorëheqjen pas skandalit me projektin e Zvërnecit.
Në këtë protestë është shpalosur dhe një pankartë “akoma nuk i ke larë hesapet me studentët”.
Agjencia ndërkombëtare e lajmeve Reuters ka transmetuar live protestën.
Në raportimet e saj, Reuters thekson se mijëra qytetarë, aktivistë të mjedisit dhe përfaqësues të shoqërisë civile kanë dalë në rrugët e kryeqytetit për të kundërshtuar projektin miliarda eurosh të lidhur me investitorë të huaj, duke ngritur shqetësime për ndikimin që ai mund të ketë mbi ekosistemin e zonës së mbrojtur.
Mijëra qytetarë prej disa ditësh kanë mbushur sheshin, rrugët e kryeqytetit, me thirrjet e tyre “Edi Rama dorëhiqu”, “Shqipëri e Re”, “Rama në burg, Berisha në burg”, “Atdheu nuk shitet”, “Dorëheqje” dhe “Revolucion”.
Me flamuj kuq e zi, pankarta në duar, disa prej tyre me plis në kokë, janë grumbulluar në shesh për ta vazhduar tubimin e tyre duke marshuar në Bulevardin “Dëshmorët e Kombit” për t’u ndalur para Kryeministrisë dhe më pas kanë marshuar nëpër rrugët e Tiranës.
Paralelisht protesta u mbajtën dhe në Durrës, Shkodër, Korçë dhe Vlorë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje