Drejtori i Emergjencave Civile, Haki Çako, ka inspektuar dje në mbrëmje banesat e dëmtuara nga tërmeti i një dite më parë në fshatin Kuç të Vlorës.
Çako tha se në bashkëpunim me pushtetin vendor do të bëjnë vlerësimin e të gjitha dëmeve të shkaktuar në banesa, por edhe shkollën e fshatit.
“Jemi duke parë nga afër situatën pas tërmetit të datës 4 në fshatin Kuç. Së bashku me pushtetin vendor do të bëjmë vlerësimin e të gjitha dëmeve të shkaktuara në banesa, por edhe shkollën e fshatit”, tha ai.
Çako theksoi se Emergjencat Civile dhe Forcat e Armatosura janë në gatishmëri për t’u ardhur në ndihmë banorëve.
“Të kalojmë situatën aktuale dhe natyrisht pastaj do të bëjmë vlerësimin dhe evidentimin e dëmeve të shkaktuara”, u shpreh Çako.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
