.png)
Gazeta Si – Tre telefona celularë janë zbuluar dhe sekuestruar brenda ambienteve të burgut të Shkodrës pas një kontrolli të imtësishëm në godinën numër 2 të burgut, pas informacioneve të siguruara në rrugë operative.
Gjatë këtij aksioni, autoritetet arritën të lokalizonin telefonat e fshehur në dy prej ambienteve të përbashkëta të godinës:
Sipas njoftimit zyrtar, në ambientet e dusheve, u gjet dhe u sekuestrua një aparat celular i markës “Xiaomi”.
Ndërsa në lavanderi, u zbuluan dy aparate të tjerë, specifikisht një “Nokia” dhe një “iPhone”, të cilët shoqëroheshin edhe me dy fisha karikimi.
Pas gjetjes së sendeve të ndaluara, autoritetet e burgut kanë hartuar menjëherë raportet përkatëse të incidentit dhe procesverbalet e bllokimit të mjeteve.
Rasti i ka kaluar zyrtarisht Agjencisë së Mbikëqyrjes për ndjekjen e mëtejshme të procedurave ligjore dhe hetimore, me qëllim zbardhjen e mënyrës se si këto pajisje u futën në burg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje