.png)
Nga Gazeta Si- Pas 3 vitesh, Silvinjo është larguar nga drejtimi i kombëtares shqiptare, duke i lënë vendin italianit Rolando Maran.
Në konferencën për shtyp, Silvinjo falënderoi Shqipërinë dhe shqiptarët, si edhe futbollistët e tifozët.
“Kemi vendosur që të mbyllim këtë cikël, në të cilin kemi punuar shumë për të përfaqësuar më së miri këtë komb. Më kanë pritur të gjithë shumë mirë. Më kujtohet që nga dita e parë që kam qenë këtu, 9 janari i 2023, kam thënë diçka: ‘Shpirti, zemra dhe djersa nuk duhet të mungojnë kurrë’. Ja kemi dalë të gjithë së bashku”, tha Silvinjo.
Kreu i FSHF-së, Armando Duka zbulon se ka biseduar me trajnerin brazilian dhe pas një bisede të përbashkët mbi kushtet dhe atë çka palët mund të japin më shumë, është arritur me konsensus mbyllja e marrëveshjes.
“Kemi nisur diskutimet me Sylvinhon kur u kthyem nga Ukraina dhe ai mori kohën e vet. Të dy bashkë kemi arritur në atë konkluzion, se përfundimi i ciklit do të ishte mirë për të dyja palët. Ndahemi me respektin maksimal për njëri-tjetrin dhe për punën”, tha ai.
Duka tha se ndarja me Silvinjon është konsensuale, si një cikël që njëherë do i vijë fundi. “Në futboll konsiderohet normale mbyllja e një cikli, ndahemi me konsensus. Hapim një cikël të ri me një trajner jo të ri në moshë, siç është zoti Rolando Maran”, tha Duka gjatë fjalës së tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje