.png)
Nga Gazeta ‘SI’ – Gjatë vitit 2025 në Shqipëri është shënuar një rritje e gjuhës së urrejtjes dhe diskriminimit ndaj komunitetit LGBT+, sipas raportit vjetor të Avokatit të Popullit.
Në dokument theksohet se personat e këtij komuniteti janë përballur me kërcënime të shtuara, kryesisht në rrjetet sociale dhe në debatet publike që lidhen me nisma ligjore apo politika që prekin të drejtat e tyre.
Raporti evidenton gjithashtu problematika të shumta në praktikë, ku diskriminimi vijon në fusha kyçe si punësimi, arsimi, shërbimet shëndetësore dhe strehimi. Situata paraqitet veçanërisht e rënduar për personat transgjinorë, të cilët përballen me mungesë procedurash të qarta për njohjen ligjore të identitetit gjinor, vonesa në protokollet mjekësore dhe stigmatizim të theksuar shoqëror.
Një tjetër shqetësim i ngritur në raport është nënraportimi i rasteve të dhunës dhe ngacmimit, që sipas Avokatit të Popullit lidhet me frikën nga ekspozimi publik dhe mungesën e besimit te institucionet përgjegjëse.
Sipas institucionit, kjo klimë jo vetëm cenon dinjitetin e individëve, por ndikon drejtpërdrejt edhe në kufizimin e lirive themelore, përfshirë lirinë e shprehjes, duke krijuar një efekt frikësimi në hapësirën publike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje