.png)
Gazeta Si – Katër persona janë dënuar me 22.4 vite burg në total nga Gjykata e Beratit, pasi shpërndanin kokainë në lokalin e tyre e natës “Star Club”, në qytetin e Dimalit, ku një dozë shitej për shumën 2.000-5.000 lekë.
Klientët pasi marrin dozën e kokainës e konsumonin në ambientet e tualetit të lokalit. Në këtë aktivitet, pronari E.V., ndihmohej edhe nga bodyguardi (truporoja) i lokalit K.D., menaxheri K.I. dhe kamarieri R.Z.
Sipas dosjes hetimore, pronari i lokalit, E.V., dyshohet se drejtonte aktivitetin kriminal, duke siguruar dhe shpërndarë doza kokaine për klientët e lokalit.
Lënda narkotike mbahej e fshehur në blloqet e murit rrethues të lokalit dhe shitej në doza nga 0.2 deri në 0.5 gramë, me çmime që varionin nga 2 mijë deri në 5 mijë lekë.
Prokuroria provoi se klientët, pasi konsumonin alkool në ambientet e lokalit, kërkonin edhe kokainë, të cilën më pas e konsumonin në tualetet e klubit.
Sipas hetimeve, të pandehurit përdornin termin “amaro” si kod për kokainën, në mënyrë që të mos kuptoheshin gjatë komunikimeve për shitjen dhe fitimet nga lënda narkotike.
Gjykata vendosi:
E.V. u dënua me 12 vite burg, dënim që pas gjykimit të shkurtuar u ul në 8 vite burgim;
K.I. u dënua me 7 vite burg, të reduktuara në 4 vite e 8 muaj;
K.D. u dënua me 7 vite burg, të reduktuara në 4 vite e 8 muaj;
R.I. u dënua me 7 vite burg, të reduktuara në 4 vite e 8 muaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje