.png)
Gazeta Si – Pas aksidentit tragjik në Durrës, ku humbën jetën dy fëmijë, është pezulluar nga detyra drejtori i Policisë Vendore të Durrësit, Afrim Tafa. Në vend të tij, kryepolici Skënder Hita, ka komanduar përkohësisht, Ervin Hodajn.
Në një njoftim për mediet, policia shprehet se nisur nga rasti tragjik, Afrim Tafa është pezulluar për “performancë të dobët”.
Po ashtu, është pezulluar zëvendësdrejtori për Rendin dhe Sigurinë Publike të DVP Durrës, kryekomisar Zija Sulaj si dhe shefi i Sektorit të Policisë Rrugore të DVP Durrës, kryekomisar Kreshnik Skëndo.
Ndërkohë, Drejtoria e Standardeve Profesionale në Drejtorinë e Përgjithshme të Policisë së Shtetit ka nisur hetimin disiplinor për të vlerësuar nëse ka apo jo përgjegjësi në radhët e punonjësve të Policisë, për këtë rast.
Vendimi merret një ditë pas ngjarjes së rëndë në Durrës, ku Nikoll Radaçi përplasi 3 fëmijë, duke i marrë jetën dy prej tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje