.png)
Gazeta Si – Një tjetër aksident me vdekje ka ndodhur në Durrës pasditen e kësaj të diele, pas atij që i mori jetën dy fëmijëve në zonën e ish-Kënetës.
Aksidenti i radhës ka ndodhur pranë Kepit të Rodonit, ku një 52-vjeçar ka humbur jetën pasi ka humbur kontrollin nga motomjeti që drejtonte.
“Rreth orës 16:45, në vendin e quajtur ‘Kepi i Rodonit’, në një terren me shkurre, shtetasi A.K., rreth 52 vjeç, banues në Tiranë, duke drejtuar një motomjet (me 4 goma), dyshohet se ka humbur kontrollin, si pasojë e terrenit dhe është rrëzuar. Si pasojë, 52-vjeçari ka ndërruar jetë në vendngjarje”, – njofton policia.
Në motomjet ndodhej edhe bashkëshortja e viktimës, E.K., 44 vjeçe, e cila është lënduar lehtë dhe ndodhet jashtë rrezikut për jetën.
Grupi hetimor ndodhet në vendngjarje dhe po punon për zbardhjen e plotë të rrethanave dhe shkakut të aksidentit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje