.png)
Gazeta Si – Një kamion me targa shqiptare, një makinë SUV dhe një shkëmbim çantash në një zonë pushimi në Stezzano, Milano.
Një operacion antidrogë i policisë së Milanos, çoi në sekuestrimin e një sasie të madhe droge dhe parash dhe përfundoi me arrestimin e dy personave, një maroken 27-vjeçar dhe një shqiptar 50-vjeçar.
Hetimi filloi duke ndjekur lëvizjet e 27-vjeçarit, i cili, në një SUV, po udhëtonte midis një garazhi në Vizzolo Predabissi dhe një shtëpie në Castiraga Vidardo, në zonën e Lodit.
Pas disa ditësh ndjekjeje, policia e gjurmoi atë deri në Stezzano. Atje, pranë një zone pushimi, ai u ndal pranë një kamioni me targa shqiptare.
Pasi doli nga automjeti i tij, 27-vjeçari mori dy çanta me ngjyra të ndezura nga makina e tij, të cilat më vonë rezultuan se përmbanin 270,000 euro në para cash dhe ia dha shoferit shqiptar të kamionit.
Brenda, u gjetën 10 kilogramë kokainë dhe 17 kilogramë heroinë. Oficerët ndërhynë menjëherë, duke i ndaluar të dy burrat.
Kontrollet e mëvonshme zbuluan pjesën tjetër të “magazinës”: 2.5 kilogramë të tjerë kokainë u gjetën në shtëpinë e njëzet e shtatë vjeçarit, ndërsa në garazhin në Vizzolo Predabissi, ishte fshehur një makinë me një fund mekanik të rremë të modifikuar në bagazh, që përmbante edhe 3 kilogramë të tjerë pluhur të bardhë dhe 30,000 euro. Si shqiptari, ashtu edhe marokeni, u dërguan në burgun e Bergamos.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje