.png)
Nga Gazeta ‘Si’- Që prej kësaj të premteje, 1 maj, Shqipëria dhe Kosova kanë rikthyer zyrtarisht regjimin e kalimit pa kontrolle kufitare për automjetet me targa të dy vendeve.
Masa do të jetë në fuqi deri më 30 shtator dhe pritet të lehtësojë ndjeshëm lëvizjen gjatë sezonit veror, kur fluksi i udhëtarëve rritet ne disa dhjetra mijëra në ditë.
Sipas marrëveshjes, automjetet me targa shqiptare dhe kosovare do të kalojnë në pikat kufitare pa ndalesa dhe pa procedurat standarde të kontrollit.
Ndërkohë, mjetet me targa të huaja do të përballen vetëm me kontrolle të shpejta, për të shmangur vonesat dhe radhët e gjata.
Ky model bashkëpunimi mes dy vendeve ka sjellë përfitime të dukshme ndër vite, sidomos në verë, duke nxitur turizmin, vizitat familjare dhe shkëmbimet tregtare.
Sipas të dhënave zyrtare, vetëm në orët e para të ditës së premte kanë hyrë në Shqipëri rreth 15 mijë qytetarë, shumica nga Kosova.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje