.png)
Gazeta Si – Një ngjarje e dyshuar si aksidentale, ka ndodhur pasditen e kësaj të premteje në Kamëz, ku një grua 30-vjeçare është plagosur në fytyrë nga një armë gjahu.
Sipas policisë, E.L., është dëmtuar nga një saçmë gjahu e shkrepur nga fqinji i saj, N.Sh., 73 vjeç, banues në Laknas.
Dyshohet se i moshuari ka qëlluar me armë gjahu me qëllim për të larguar një kafshë, por një prej saçmeve ka goditur aksidentalisht të renë, e cila ndodhej në oborrin e banesës së xhaxhait të saj.
Pas ngjarjes, 30-vjeçarja është transportuar për mjekim dhe ndodhet jashtë rrezikut për jetën. Policia ka shoqëruar 73-vjeçarin në komisariat dhe vijon hetimet për zbardhjen e plotë të rrethanave të rastit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje