.png)
Një sondazh i ri tregon se vendet europiane përbëjnë më shumë se gjysmën e vendeve që perceptohen globalisht si më të sjellshmet, por vetëvlerësimi i tyre për mirësjelljen ndonjëherë bie ndesh me vendimin ndërkombëtar.
Mbretëria e Bashkuar konsiderohet vendi më i sjellshëm në Europë, sipas një sondazhi të ri.
Por fqinjët e saj europianë nuk janë shumë prapa, me më shumë se gjysmën e bllokut në 25 vendet kryesore në botë që perceptohen si më të sjellshmet dhe mikpritëset ndaj të huajve.
Sondazhi, i kryer nga kompania amerikane ‘Remitly’, u kërkoi gati 5,000 njerëzve nga 26 vende të identifikonin kombet që ata besojnë se kanë sjelljet më të mira dhe gjithashtu të vlerësonin se sa të sjellshëm janë ata vetë- duke krahasuar perceptimet globale të mirësjelljes me perceptimet që kombet kanë për mirësjelljen e tyre.
Për të vlerësuar veten, pjesëmarrësve iu bënë pyetje në lidhje me sjelljen e tyre, si për shembull nëse i trajtojnë të huajt me respekt, dhe ata morën pikë bazuar në masën në të cilën ata pajtoheshin me një pohim.
Ndoshta jo çuditërisht, vlerësimet globale dhe vetëvlerësimi shpesh ishin në kundërshtim me njëra-tjetrën.
Mbretëria e Bashkuar u rendit si vendi i tretë më i sjellshëm nga të anketuarit në nivel global, duke u renditur pas Kanadasë në vendin e dytë dhe Japonisë në vendin e parë.
Rezultatet e anketës ia atribuojnë këtë renditje tendencave shoqërore si përdorimi i shpeshtë i “të lutem” dhe “faleminderit” në bisedat e përditshme, humorit dhe kulturës së radhës. Ironikisht, të anketuarit nga Mbretëria e Bashkuar e renditën veten midis gjysmës së poshtme të vendeve për sa i përket mirësjelljes. Ndoshta britanikët ishin shumë të sjellshëm për ta vënë veten para të tjerëve.
Në mënyrë të ngjashme, Gjermania, e konsideruar e pesta më e sjellshme nga të tjerët- për shkak të theksit në privatësi, saktësi dhe konsideratë për të tjerët- e renditi veten si e 21-ta më e sjellshme në vetëperceptimin e tyre të mirësjelljes.
Ironikisht, të anketuarit nga Franca e renditën veten si të pestin më të sjellshëm, ndërsa perceptimet globale i vendosën ata në vendin e 19-të në renditjen botërore.
Dhe Japonia, e preferuara globale në anketë, e vlerësoi veten të 25-tën për mirësjellje- e parafundit midis të gjitha vendeve të anketuara.
Sondazhi vëren se, kur bëhet fjalë për vetëperceptimet e mirësjelljes, më pak se një pikë ndante vendet me rezultatet më të larta nga ato me rezultatet më të ulëta, duke treguar se shumica e njerëzve shpesh e vlerësojnë veten si të sjellshëm.
10 Vendet më të sjellshme në botë, sipas votave të pjesëmarrësve
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje