.png)
Gazeta Si – Një automjet policie ka përfunduar i përmbysur si pasojë e përplasjes së qëllimshme nga një mjet tip “Gol” që drejtohej nga një i mitur 14 vjeçar, ndërsa pasagjer me të ishte bashkëmoshatari i tij. Ngjarja e pazakontë ka ndodhur mbrëmjen e të martës pranë bulevardit “Ismail Qemali” në Vlorë.
Sipas burimeve paraprake, 2 punonjës policie mbetën të plagosur. Mësohet se ata po e ndiqnin të miturin që nga zona e lagjes “Çole”, pasi nuk i ishte bindur urdhrit për të ndaluar.
Dy policët e plagosur u transportuan në spital, ndërsa i mituri u shoqërua në komisariat për të sqaruar rrethanat e rastit.
Në aksident është përfshirë edhe një automjet tjetër tip “Benz”, por fatmirësisht pa persona të lënduar. Autoritetet policore janë duke punuar për zbardhjen e plotë të rrethanave të ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje