.png)
Gazeta Si – Kosova pret Turqinë në “Stadiumin Fadil Vokrri”, në Finalen e playoff-it të zonës UEFA-s, për një vend në “Kupën e Botës 2026”.
Vendasit mposhtën Sllovakinë 4-3 në gjysmëfinale, ndërsa miqtë eleminuan Rumaninë në përballjen e tyre.
Kosova zhvilloi një fushatë eleminatoresh pozitive për Kupën e Botës, duke përfunduar në vendin e dytë përpara Suedisë dhe Sllovenisë në grupin B. Skuadra e Franco Foda-s rregjistroi 3 fitore, 1 barazim dhe vetëm 1 humbje – atë 4-0 ndaj Zvicrës në ndeshjen e parë në grup.
Humbje që e vendosi Kosovën 3 pikë pas vendit të parë, duke e detyruar të kërkojë kualifikimin përmes playoff-it. E shortuar kundër Sllovakisë në ½ finale, Kosova siguroi një fitore dramatike 4-3, që do të thotë se “Dardanët” janë tani vetëm një fitore larg kualifikimit historik për herë të parë në Kupën e Botës.
Dardanët që më 13 Maj mbushin 10 vite anëtarësim në FIFA, do të përballen me Turqinë në Finalen e playoff-it, pasi skuadra e Vincenzo Montella-s fitoi 1-0 ndaj Rumanisë në ½ finale, me golin e Ferdi Kadioglu.
Edhe Turqia humbi vetëm 1 ndeshje në grupin e saj kualifikues për Kupën e Botës – atë 6-0 ndaj Spanjës në ndeshjen e 2 në grupin E. Në ndeshjet e tjera, 4 fitore dhe 1 barazim mjaftuan për një vend të dytë komod, me një diferencë prej 10 pikësh ndaj Gjeorgjisë së vendit të tretë.
Turqia synon t’i japë fund mungesës në 5 turne të Kupës së Botës, pasi hera e fundit që mori pjesë ishte viti 2002, kur mundi Korenë e Jugut në ndeshjen për vendin e 3/4. Turqia ka fituar të tre përballjet e fundit ndaj dardanëve, 4-1 takimi i fundit në Qershor 2017.
Fituesi i së martës do t’i bashkohet Shteteve të Bashkuara, Australisë dhe Paraguajit në grupin D të “Kupës së Botës 2026”. Kapiteni Vedat Muriqi pritet të luajë në sulm përkrah Fisnik Asllanit, ndërsa Mërgim Vojvoda dhe Dion Gallapeni do të mbulojnë krahët.
Sa i përket Turqisë, kapiteni Hakan Çalhanoğlu është në pikëpyetje për shkak të një dëmtimi në pulpë pas ndeshjes me Rumaninë.
Kadioglu, i cili shënoi golin e fitores në ½ finale, pritet të rrjeshtohet në mbrojtje së bashku me një kuartet të pandryshuar që përfshin Mert Müldür, Samet Akaydin dhe Abdülkerim Bardakci.
Kosova në eleminatoret për Kupën e Botës: F B F F B F
Formacioni i mundshëm: Muric; Vojvoda, Dellova, Hajrizi, Hajdari, Gallapeni; Hodza, Rexhbecaj, Muslija; Asllani, Muriqi.
Trajner: Franco Foda
Turqia në eleminatoret për Kupën e Botës: H F F F B F
Formacioni i mundshëm: Cakir; Muldur, Akaydin, Bardakci, Kadioglu; Yuksek, Calhanoglu; Yilmaz, Guler, Yildiz; Akturkoglu
Trajner: Vincenzo Montella
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje