.png)
Nga Gazeta ‘SI’ – Ekonomia e Shqipërisë u rrit me 3.79% gjatë 2025-s, me një ngadalësim të dukshëm nga viti i shkuar, kur rritja ishte 4.05%.
INSTAT raporton se në tremujorin e fundit të vitit 2025, PBB-ja u zgjerua me 3.8%, me kontributin kryesor nga aktiviteti i ndërtimit, 1.17 p.p dhe administrata publike me 1 p.p. Tregu imobiliar pati një kontribut të qëndrushëm prej 0.31 p.p dhe tregtia, transporti e shërbimet me 0.22 p.p.
Rritjen më të madhe ekonomike në fund të vitit të shkuar e shënuan taksat neto mbi produktet, që u rritën me 1202%. Rritje të fortë pati edhe administrata publike, me 8.3%, ndjekur nga ndërtimi me 7.36% dhe imobiliaret 6.25%. Bujqësia raportohet me një rënie të fortë prej 2.19%. Industria dhe energjia po ashtu u dobësua me 1.59%.
Konsumi final i popullatës, shënoi rritje në terma realë me 2.99% ndërsa konsumi final i qeverisë u rrit me 1,83%. Komponenti i Formimit bruto të kapitalit fiks u rrit me 6.73%. Eksportet e mallrave dhe shërbimeve u rritën me 10.65 % dhe importet e mallrave dhe shërbimeve u rritën me 6.56%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje