.png)
Nga Gazeta ‘Si’- Një ngjarje e rëndë ka ndodhur në një kantier ndërtimi në Vjenë, ku si pasojë e një aksidenti kanë humbur jetën 4 persona, 3 prej të cilëve shqiptarë nga Kosova.
Ambasada e Kosovës në Austri ka konfirmuar se aksidenti ua ka marrë jetën shtetasve Pajtim Bajrami, Asllan Musliu e Istref Zekaj. Përpos 4 viktimave ka mbetur i lënduar edhe një person tjetër.
“Punëtorët e ndërtimit, që ndodheshin mbi këtë konstruksion të sapo betonuar, kanë rënë bashkë me skelën”, ka thënë zëdhënësi i zjarrfikësve Martin Hofbauer. Afro 100 pjesëtarë të ekipeve të emergjencës u angazhuan në operacionin e kërkim-shpëtimit.
Ambasada e Kosovës në Vjenë ka thënë se është në kontakt të vazhdueshëm me autoritetet austriake dhe familjarët e viktimave.
Kryeministri Albin Kurti ka reaguar po ashtu për ngjarjen, duke u shprehur ngushëllime familjarëve, dhe duke theksuar se institucionet po koordinohen për të ndihmuar në lidhje me rastin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje