.png)
Nga Gazeta ‘SI’ – Shqipëria ka humbur një tjetër arbitrazh ndërkombëtar, kundrejt një kompanie, që dikur shfrytëzonte katër vendburime naftë në vendin tonë.
Kompania “Omni Bridgeway”, një financier i proceseve gjyqësore, ka marrë të drejtën nga një gjykatë federale në Uashington për të konfiskuar 13 mln dollarë asete, që i përkasin Shqipërisë jashtë territorit të saj, për llogari të GBC Oil.
GBC Oil, kompania e regjistruar në ishujt Kayman, me pronarë shqiptarët Naim Kasa, Kreshnik Grezda dhe amerikanin Mark Crawford, pak kohë më parë çoi në arbitrazh Shqipërinë, për t’u kompensuar për dëmin që i shteti i kishte bërë.
Aktiviteti i shitur tek GBC Oil kishte kaluar disa konflikte me qeverinë, pasi kjo e fundit kishte rritur barrën tatimore për bizneset e industrisë së naftës dhe ato e kishin kundërshtuar. Si rrjedhojë kompanitë akumuluan borxhe ndaj shtetit deri në pikën që pronat në përdorim u shtetëzuan dhe aktiviteti u bllokua.
Rasti duket i ngjashëm me çështjen Becchetti, të cilit Shqipëria i detyrohej 130 mln euro nga vendimi i arbitrazhit, por qeveria refuzoi t’i paguante. Si rezultat, gjykata e Brukselit vendosi në funksion të detyrimit ndaj biznesmenit italian, llogaritë e Albcontrol, e cila prej kohësh po financohet nga buxheti i shtetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje