.png)
Nga Gazeta ‘Si’- Dy policë të forcave Shqiponja mbeten të plagosur gjatë një operacioni për kapjen e një personi në kërkim në Dibër.
Sipas njoftimit zyrtar, oficeri i policisë, Gentjan Meda ka rënë nga një lartësi gjatë operacionit, duke pësuar goditje në kokë dhe është transportuar me helikopter drejt Spitalit të Traumës në Tiranë, ndërsa kolegu i tij, me iniciale B.Gj., ka thyer këmbën.
Personi i shpallur në kërkim ndërkombëtar, Klodian Llomi (Mazari), ka tentuar të ikë nga vendngjarja, ndërsa policët u hodhën mbi një mur për ta kapur, por mbetën të lënduar.
Përpjekjet e forcave “Shqiponja” u finalizuan me arrestimin e të kërkuarit, i cili rezulton i dënuar me 6 vjet e 7 muaj burg për veprat penale “Organizatë kriminale”, “Trafikim i lëndëve narkotike” dhe “Shfrytëzim prostitucioni”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje