.png)
Gazeta Si – Cristiano Ronaldo thuhet se mblodhi valixhet dhe u largua nga Arabia Saudite – pas sulmit ndaj Ambasadës Amerikane në Riad – për t’u kthyer në Madrid të Spanjës, në një vend më të sigurt.
Ende nuk ka konfirmim zyrtar, por Ronaldo thuhet se është stërvitur vetëm në palestër me Al Nassr, klubin saudit për të cilin luan që nga janari i vitit 2023, përpara se të nisej për në Europë me gruan e tij Georgina Rodriguez dhe fëmijët e tyre.
Avioni privat i Ronaldos (LX-GOL / SVW7B, Bombardier Global Express), u nis nga Riadi dhe u ul në Aeroportin Madrid-Barajas në orën 1:32 të mëngjesit të kësaj të marte, 3 mars 2026, por nuk është e qartë nëse ai, gruaja e tij dhe pesë fëmijët e tyre ishin në bord.
Ky lajm, i konfirmuar më vonë nga shikimi i aeroplanit në aeroportin e Madridit, filloi të qarkullonte pas sulmit me dron ndaj Ambasadës Amerikane në Riad (dëme të vogla, pa të lënduar).
Për Cristiano Ronaldon, duke pasur parasysh situatën delikate në Lindjen e Mesme pas sulmit të përbashkët SHBA-Izrael ndaj Iranit (së bashku me hakmarrjen iraniane kundër bazave amerikane në Katar dhe Emiratet e Bashkuara Arabe), kjo është një masë paraprake logjike për të dhe familjen e tij.
Vetëm pak ditë më parë, Danilo D’Ambrosio foli për kohën e vështirë që ai dhe familja e tij po përjetojnë në Dubai.
Roberto Mancini, i cili trajnon Al Sadd në Katar, bëri të njëjtën gjë. El Haddadi, një futbollist maroken me shtetësi spanjolle dhe sulmues i Esteghlal, udhëtoi 16 orë me makinë për t’u arratisur nga Irani dhe për të arritur në Turqi, nga ku hipi në një aeroplan për në Spanjë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje