.png)
Nga Gazeta ‘SI’ – Qeveria ka miratuar tre vendime që parashikojnë indeksimin me 2,5% të pagave për mësuesit dhe stafin jomësimor në arsimin parauniversitar, për ushtarakët e Forcave të Armatosura dhe për punonjësit e Policisë së Shtetit.
Sipas vendimeve të miratuara nga Këshilli i Ministrave, rritja e pagave do të aplikohet për të gjitha pozicionet dhe gradat përkatëse dhe do të përballohet nga buxheti i institucioneve përkatëse për vitin 2026. Për njësitë e vetëqeverisjes vendore, shpenzimet për rritjen e pagave mbulohen nga transferta e buxhetit qendror dhe të ardhurat e veta.
Vendimi i parë parashikon indeksimin e pagave për punonjësit mësimorë dhe jomësimorë në institucionet arsimore parauniversitare, duke synuar përmirësimin e standardit të jetesës dhe motivimin e stafit.
Vendimi i dytë përfshin ushtarakët aktivë, ku rritja e 2.5% aplikohet për pagën bazë për gradë dhe për shtesat për tituj akademikë dhe kualifikime shkencore.
Ndërsa vendimi i tretë për punonjësit e Policisë së Shtetit rrit pagën për gradë, duke përfshirë rritje specifike për gradat “Inspektor” dhe “Nënkomisar”, si dhe për gradat e tjera në strukturë.
Të tre vendimet hyjnë në fuqi menjëherë pas botimit në “Fletoren Zyrtare” dhe kanë efekt financiar që nga 1 janari 2026. Për zbatimin e tyre janë ngarkuar Ministria e Arsimit, Ministria e Mbrojtjes, Ministria e Punëve të Brendshme dhe njësitë e vetëqeverisjes vendore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje