.png)
Nga Gazeta ‘SI’ – Në janar 2026, rezerva valutore e Bankës së Shqipërisë arriti në një nivel rekord, 7.32 mld euro.
Sipas të dhënave të sapopublikuara, rritja e rezervës i atribuohet kryesisht rritjes së fortë të vlerës së arit, stoku i të cilit ka arritur 497 mln euro, nga 429 mln në muajin dhjetor të vitit të shkuar, në BSH.
Pjesa më e madhe e rezervës mbahet në letra me vlerë, 5.6 mld euro, ndjekur nga depozitat në 1.3 mld euro.
Një kontribut në rritje kanë dhënë edhe operscionet e shumta të Bankës qendrore, madje edhe të paparashikuara, kur ka blerë nga tregu sasi të mëdha të euros me qëllim stabilizimin e kursit të këmbimit. Vetëm për nëntë muajt e parë të vitit 2025 Banka e Shqipërisë ka blerë gjithsej 825.6 milionë euro në tregun e brendshëm valutor.
Edhe në nivel global, trendi është i ngjashëm. Shumë banka qendrore po zgjerojnë rezervat e tyre të arit për të mbrojtur ekonomitë nga pasiguritë ndërkombëtare dhe luhatjet e valutave, përballë pasigurive gjeopolitike në botë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje