.png)
Gazeta Si – Një automjet tip “Range Rover” është përfshirë nga flakët në orët e para të mëngjesit të kësaj të enjteje në Pogradec.
Ngjarja është regjistruar rreth orës 03:50, në lagjen nr. 1, ku mjeti ka qenë i parkuar dhe si pasojë e zjarrit është djegur thuajse plotësisht.
Automjeti rezulton në pronësi të Erion Maxharit, person i njohur për policinë lokale për shkak të precedentëve të mëparshëm penalë.
Maxhari më herët ka punuar polic në doganën e Qafë-Thanës, por ai është vënë në pranga në vitin 2018, për “shpërdorim detyre”.
Sipas burimeve, Maxhari ditën e zgjedhjeve ishte mes personave të arrestuar pas një konflikti fizik me një komisioner.
Nga ana e grupit hetimor është kryer kqyrja e vendit të ngjarjes dhe janë sekuestruar pamjet e kamerave të sigurisë në zonë për të hedhur dritë mbi rrethanat.
Paraprakisht dyshohet se zjarrvënia mund të ketë qenë e qëllimshme, megjithatë shkaku i zjarrit nuk është konfirmuar ende zyrtarisht.
Policia bën me dije se hetimet vijojnë për sqarimin e plotë të rrethanave dhe përcaktimin e shkakut të rënies së zjarrit
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje