.png)
Gazeta Si – Dy automjete të dyshuara si të vjedhura, të cilat dyshohet se do përdoreshin për një ngjarje kriminale, janë zbuluar në Vlorë të fshehura në një sipërfaqe ullishteje në fshatin Babicë e Madhe.
Sipas policisë, u gjetën po ashtu edhe 3 bidona me benzinë, që mendohet se do përdoreshin më pas për të djegur një prej mjeteve.
Policia tha se kishte siguruar informacionet në rrugë operative dhe për këtë arsye janë kryer kontrolle të imtësishme ne aksin rrugor dhe territorin e fshatit Babicë e Madhe.
“Automjetet dhe provat e tjera të sekuestruara po i nënshtrohen ekzaminimeve shkencore. Grupi i posaçëm hetimor i DVP Vlorë, nën drejtimin e Prokurorisë, vijon punën për sqarimin e plotë të rrethanave si dhe për identifikimin dhe dokumentimin e autorësisë”, njoftoi policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
