.png)
Nga Gazeta Si – Eshtë i njohur tashmë vendimi i Al Ittihad për Mario Mitajn. Mbrojtësi kuqezi nuk është në planet e trainerit Conceicao dhe duhet të largohet në merkaton e Janarit.
Futbollisti kuqezi mund të humbasë diçka në pagë por është e sigurtë që destinacionet dhe ofertat për të nuk mungojnë.
Së fundi, dy janë skuadrat që duken të interesuara më shumë për të dhe dilemma nuk është e vogël.
Fillimisht kampionatet, Mitajt i duhet të zgjedhë mes “Premier League” dhe “La Liga-s”.
E më pas dhe skuadrat, mes Sunderland në ishull dhe Atletico Madrid në gadishull.
Tek e para do të gjejë “Leader-in” dardan, Granit Xhaka që do të jetë një ndihmë e madhe në ambjentimin e Mitajt.’
Ndërsa tek e dyta, trainerin karizmatik Diego Pablo Simeone që njihet për stilin e tij mbrojtës, ku Mitaj mund të shndërrohet në një ndër lojtarët më të rëndësishëm të “colchoneros”.
Arabët kërkojnë 10 milionë euro për kartonin e mbrojtësit kuqezi, ndërsa skuadra që do ti shpenzojë dhe fanellën e të cilës, Mitaj do të veshë, mund të kërkojnë edhe pak kohë për tu mësuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
