Gazeta Si – Rusia akuzon Kievin për një sulm të dyshuar me dronë me rreze të gjatë veprimi ndaj rezidencës së Vladimir Putinit në rajonin e Novgorodit, i njohur si “Rezidenca e Artë”.
Ministri i Jashtëm Sergei Lavrov raportoi se natën e 28-29 dhjetorit, 91 dronë ukrainas u nisën kundër vilës presidenciale dhe u interceptuan nga mbrojtja ruse.
Kryeministri ukrainas, Volodymyr Zelenski e mohoi menjëherë akuzën dhe paralajmëroi se Putini do ta përdorte atë për të vijuar luftën – duke minuar negociatat tashmë të brishta – dhe për të sulmuar Kievin dhe ndërtesat e tij qeveritare.
Njëzet e katër orë më vonë, filloi kërkimi për prova të sulmit dhe u vunë re mospërputhjet e para me narrativën ruse. Më poshtë janë disa nga elementët që kanë dalë në pah:
1. Instituti i Luftës kujton se zakonisht, pas sulmeve ukrainase, mblidhen dhe publikohen prova nga burime të ndryshme ruse për të konfirmuar sulmin dhe për të demonstruar dështimin e tij.
Këto prova përfshijnë pamje të gjeo-lokuara, imazhe të mbeturinave nga dronët e rrëzuar dhe deklarata nga autoritetet lokale dhe rajonale ruse. Deri më tani, nuk është publikuar asnjë provë që mund të mbështesë versionin e Putinit.
2. Instituti i Luftës thekson gjithashtu se tashmë ekzistojnë rrëfime të ndryshme se si ndodhën gjërat. Lavrov shpjegoi se Rusia rrëzoi 91 dronë ukrainas, ndërsa Ministria Ruse e Mbrojtjes pretendon 47, duke dobësuar narrativën e besnikut të Putinit.
3. Gazetat e opozitës gjithashtu kanë filluar punën. Gazeta e përditshme, “Sota”, publikoi një hetim në të cilin banorët e Valdait raportuan se nuk dëgjuan as zhurmë dhe as shpërthime.
Asnjë zhurmë mbrojtjeje ajrore në veprim, të cilat, nëse sulmi do të ishte i vërtetë, sigurisht që duhet të dëgjoheshin.
Shërbimi në gjuhën ruse, i Radio Evropa e Lirë/Radio Liberty (RFE/RL), raportoi se në gusht 2025, Putin rriti numrin e sistemeve të mbrojtjes ajrore në Valdai, nga dy në 12.
4. Sipas disa ekspertëve të intervistuar nga ABC amerikane, rezidencat e Putinit janë ndoshta hapësirat më të mbrojtura në të gjithë Rusinë.
Vila në fjalë mbrohet nga shtatë sisteme anti-dronë Pantsit-S1; afrimi është praktikisht i pamundur dhe ukrainasit e dinë këtë.
Analistët politikë dyshojnë se Zelenski do të kishte vendosur t’i jepte dritën jeshile një sulmi të tillë në një moment kaq të brishtë dhe vendimtar diplomatik. Ata thonë: “Nëse do ta kishin bërë këtë, do të ishte një veprim krejtësisht i gabuar”.
5. Një tjetër e dhënë jo bindëse, është numri i dronëve. Në mënyrë tipike, shpjegojnë ekspertët, sulmet me dronë kryhen në tufa prej disa qindrash: 91 dronë nuk do të kishin kuptim, veçanërisht në një vend të mbrojtur mirë si rezidenca e një presidenti.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
