Nga Gazeta Si – Tetë skuadra kanë siguruar tashmë vendin e tyre në fazën me eliminim të “UEFA Conference League”.
Kush do t’u bashkohet atyre në javën e 6-të? Fiorentina, Crystal Palace dhe AZ Alkmaar janë mes ekipeve që synojnë të konfirmojnë kualifikimin, ndërsa 18 ndeshje që zhvillohen njëkohësisht do të mbyllin fazën e Ligës.
– Festë debutuesish evropianë?
Nga 10 skuadrat e fazës së Ligës që festojnë debutimin e tyre në këtë fazë të një kompeticioni evropian, dy – Rayo Vallecano dhe Samsunspor – e kanë konfirmuar tashmë kualifikimin për fazën me eliminim direkt, ndërsa edhe 6 të tjera shpresojnë ta zgjasin aventurën e tyre të parë në javën e 6-të.
Debutuesit e Crystal Palace presin në shtëpi finlandezët e KuPS Kuopio pas një fitoreje mbresëlënëse 3-0 në Dublin, ndërsa Drita do të përballet gjithashtu me një tjetër debutues, teksa udhëton drejt Madridit për t’u ndeshur me Rayo Vallecano-n.
Shkëndija dhe Sigma Olomouc përmbyllin fazën e Ligës përkatësisht kundër AEK Larnaca dhe Lech Poznań, ndërsa debutuesit rumunë të Universitatea Craiova-s udhëtojnë drejt Athinës për t’u përballur me AEK në formë të shkëlqyer, që vjen pas fitoreve ndaj Samsunspor dhe Fiorentinës.
– Strasbourg synon vendin e parë
Skuadra e vetme që ka siguruar një vend mes 8 më të mirave përpara javës së 6-të, Strasbourg i drejtuar nga Liam Rosenior, pret Breidablik me ambicien për të ruajtur vendin e parë dhe rekordin pa humbje (4 fitore, 1 barazim).
Secila nga 4 fitoret e skuadrës franceze ka ardhur me diferencë minimale prej një goli ku Martial Godo e vazhdoi këtë seri interesante duke shënuar golin e fitores në Pittodrie.
Sulmuesi 22-vjeçar tani ka 2 gola dhe 3 asist, duke u renditur i pari në klasifikimin e asistëve, dhe mund të luajë një rol të rëndësishëm në përpjekjet e Rosenior që synon të çlirojë edhe më shumë potencial sulmues.
– Kush do të jetë golashënuesi më i mirë i fazës së ligës?
Franko Kovačević (Celje) dhe Nardin Mulahusejnović (Noah) janë në krye të garës për golashënuesin më të mirë me nga 5 gola përpara javës së 6-të.
Rrugët e tyre drejt këtij bilanci kanë qenë shumë të ndryshme – Kovačević shënoi 5 gola në dy ndeshjet e para, ndërsa Mulahusejnović ka realizuar nga 1 gol në çdo ndeshje.
Ata ndiqen nga Marius Mouandilmadji (Samsunspor), i vetmi lojtar me 4 gola
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
