Në Romë, atje ku vendasit duan skeptrin e miqve

Nga Gazeta Si – Roma përballet me Napolin në Serie A, në “Stadio Olimpico” me synimin për të konsoliduar pozicionin në krye të renditjes.

Kryeqytetasit mposhtën Cremonesen 3-1 në ndeshjen e fundit në kampionat, dhe morën kreun të vetëm pasi Interi humbi 1-0 ndaj Milanit.

Napoli gjithashtu fitoi 3-1 në shtëpi kundër Atalantës dhe ndodhet në vendin e dytë, vetëm 2 pikë pas Romës.

– Të rejat e fundit

Roma
Artem Dovbyk dhe Angelino janë jashtë për shkak dëmtimesh, ndërsa Neil El Aynaoui dhe Manu Kone mbeten në dyshim.

Napoli
Frank Anguissa, Billy Gilmour dhe Miguel Gutierrez i bashkohen Lukaku-t dhe De Bruyne në listën e mungesave.

– Lojtarët kryesorë

Roma

Matias Soule: Shënuesi më i mirë me 4 gola dhe 2 asiste.
Mile Svilar: Një nga portierët më të mirë të kampionatit këtë sezon, i dyti për në parandalimin e golave.

Napoli

Scott McTominay: Lojtari më i mirë i kampionatit sezonin e kaluar, ka dhënë 4 asist këtë sezon.
Matteo Politano: Ka krijuar më shumë raste të pastra dhe ka realizuar më shumë driblime se çdo lojtar tjetër i Napolit.

Herën e fundit që Roma ishte në krye të tabelës e vetme, ishte pas javës së 10-të në sezonin 2015/2016.

Verdhekuqtë nuk kanë qenë shumë produktivë në sulm — renditen të 6 për gola të shënuar (15) — por kanë një mbrojtje shumë solide, duke pësuar vetëm 6 gola, më pak se çdo skuadër tjetër në kampionat.

Megjithatë, ata janë përballur me vështirësi kundër ekipeve të mëdha, duke humbur ndaj Inter-it dhe Milan-it.

Një fitore ndaj Napoli-t do të ishte sinjal i fortë se mund të konkurrojnë me pretendentët.

Roma shpreson të shfrytëzojë mbrojtjen me luhatje të Napolit, që ka pësuar 11 gola.

Por duhet të ketë kujdes nga sulmi i kampionëve në fuqi.

Napoli ka qëndruar në garën për titull pavarësisht mungesave të rëndësishme si Romelu Lukaku dhe Kevin De Bruyne.

Ata renditen të 3 për gola të shënuar (19), por kanë shfaqur dobësi në mbrojtje që duhen rregulluar nëse duan të mbrojnë titullin.

Napoli mund të shfrytëzojë problemet e Romës ndaj kundërsulmeve, pasi vendasit kanë pësuar 3 gola nga këto situata, shifra e dytë më e lartë në Serie A.

– Formacionet e mundshme:

Roma: Svilar; Mancini, Ndicka, Hermoso; Celik, Cristante, Kone, Wesley; Soule, Pellegrini; Dybala
Trainer: Gianpiero Gasperini

Napoli: Milinkovic-Savic; Beukema, Rrahmani, Buongiorno; Di Lorenzo, Lobotka, McTominay, Olivera; Neres, Lang; Hojlund
Trainer: Antonio Conte

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.