Ja çfarë mund ta vendosë Derbin e Londrës veriore

Nga Gazeta Si – Skuadra e Mikel Artetës humbi pikë para ndërprerjes së kombëtareve dhe ka disa probleme zgjedhjeje para ndeshjes kryesore të Premier League këtë të dielë.

– Statistikat Kyçe
“Topçinjtë” janë favoritë absolut sipas “Opta” para Derbit të Veriut të Londrës këtë të dielë, 69% për ti mposhtur Spurs.

Arsenal ka fituar 5 nga 6 ndeshjet e fundit në Premier League kundër Tottenham, duke përfshirë 3 të fundit rradhazi.

Kjo është seria e tyre më e gjatë kundër Spurs që prej 5 fitoreve radhazi mes Janarit 1987 dhe Janarit 1989.

Ky do të jetë derbi i parë i Veriut të Londrës në Premier League pa praninë e Harry Kane apo Son Heung-min për Tottenham që prej barazimit 1-1 në “Emirates Stadium” në Shtator 2014.

– Përballjet Kokë më Kokë
Tottenham ka humbur 7 nga 9 ndeshjet e fundit të Premier League kundër Arsenal (1 fitore, 1 barazim), po aq humbje sa kishte pësuar në 25 derbit e mëparshëm kundër rivalit më të madh (9 fitore, 9 barazime).

Gjërat kanë qenë edhe më të vështira për Spurs kur kanë udhëtuar në Veri të Londrës.

Ata kanë fituar vetëm 1 nga 32 ndeshjet e tyre të fundit të Premier League në fushën e Arsenal, duke barazuar 12 dhe humbur 19, me atë fitore të vetme, 3-2 në Nëntor 2010.

Arsenal ka shënuar gjithashtu në secilën prej 26 ndeshjeve të fundit të Premier League në shtëpi kundër Tottenham, duke realizuar të paktën 2 gola në secilën nga 8 të fundit.

Kjo është seria e tyre më e gjatë e golave në shtëpi kundër çdo kundërshtari në kompeticion, ndërsa vetëm kundër Leicester City-t kanë pasur një seri më të gjatë me të paktën dy gola (9 ndeshje midis 1997 dhe 2016).

Ndërkohë, Frank fitoi ndeshjen e tij të parë ndonjëherë të Premier League kundër Arsenal si trajner i Brentford në Gusht 2021, por që atëherë nuk ka asnjë fitore në 7 përballjet e fundit kundër “Topçinjve” (2 barazime, 5 humbje).

Arsenal: David Raya, Jurriën Timber, William Saliba, Cristhian Mosquera, Myles Lewis-Skelly, Martín Zubimendi, Declan Rice, Eberechi Eze, Bukayo Saka, Leandro Trossard, Mikel Merino.
Trainer: Mikel Arteta

Tottenham: Guglielmo Vicario, Pedro Porro, Cristian Romero, Micky van de Ven, Djed Spence, João Palhinha, Rodrigo Bentancur, Xavi Simons, Brennan Johnson, Wilson Odobert, Richarlison.
Trainer: Thomas Frank

Arsenal është favorit absolut sipas “Opta” para Derbit të Veriut të Londrës këtë të dielë, 69% për ti mposhtur Spurs.

Arsenal ka fituar 5 nga 6 ndeshjet e fundit në Premier League kundër Tottenham, duke përfshirë 3 të fundit rradhazi. Kjo është seria e tyre më e gjatë kundër Spurs që prej 5 fitoreve radhazi mes Janarit 1987 dhe Janarit 1989.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.