.png)
Gazeta Si – Kamer Duhanxhiu, 44 vjeç, është ekstraduar nga SHBA-të pasi ishte shpallur në kërkim ndërkombëtar që prej vitit 1999 për një vrasje të kryer në Itali.
Sipas njoftimit të Interpolit shqiptar, 44-vjeçari rezulton të jetë i dënuar nga autoritetet italiane me 30 vite burg për një vrasje të ndodhur në Asti të Italisë 26 vite më parë.
Falë bashkëpunimit të agjencive partnere në Itali, Shqipëri dhe SHBA, Duhanxhiu ishte arrestuar këtë vit në Florida ku edhe jetonte prej shumë vitesh.
Mëngjesin e kësaj të mërkurë u ul në Rinas avioni çarter me të cilin u ekstradua Duhanxhiu. Ndërsa sapo mbërriti në aeroportin shqiptar, u arrestua me qëllim ekstradimin drejt Italisë, ku do të përballet me dënimin e tij 30 vjeçar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
