.png)
Policia ka arrestuar dy të rinj, S. dhe A. N., kushërinj me njëri-tjetrin, të cilët akuzohet se furnizonin me drogë qytetarë dhe grupe, të cilët më pas ndanin kokainën në doza dhe e shisnin në 2 zona të kryeqytetit.
Sipas njoftimit të policisë, grupi në fjalë operonte në zonat e “Alliasit” dhe “Oxhakut”. Policia u vendos në ndjekje të automjetit ku udhëtonin dy kushërinjtë, 34 dhe 31 vjeç, (djem xhaxhallarësh), deri në vendin e quajtur “Treshi”, ku u ndaluan për kontroll.
Brenda mjetit u gjetën 2 pako me 2 kg e 235 g lëndë të dyshuar narkotike Kokainë dhe 1 pistoletë e dyshuar lodër.
“Dyshohet se 2 kushërinjtë furnizonin me kokainë, qytetarë dhe grupe, të cilat e ndanin lëndën në doza, me qëllim shitjen në zonat “Alliasi” dhe “Oxhaku””, njofton policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
