.png)
Nga Gazeta Si – Anglia vazhdoi ecurinë e saj të shkëlqyer në eleminatoret për Kupën e Botës me fitoren e 7 rradhazi, pasi mposhti Serbinë në “Wembley”.
Trajneri Thomas Tuchel tani mund të përmirësojë detajet e planeve të tij, pasi “Tre Luanët” siguruan kualifikimin muajin e kaluar për turneun e madh të verës së ardhshme.
Ndeshje me tone të qeta, në një mbrëmje me shi në Londër.
Tuchel i dha debutimin mbrojtësit të majtë të Manchester City-t, Nico O’Reilly, por ishte një nga yjet e konsoliduar të Anglisë që zhbllokoi rezultatin — Bukayo Saka shënoi në minutën e 28-të me një goditje të saktë, duke mposhtur portierin serb Predrag Rajković.
Morgan Rogers i Aston Villa-s u preferuar përpara Jude Bellingham në rolin e numrit 10 dhe tregoi energji të madhe me disa prekje të bukura, përpara se të zëvendësohej nga miku i tij i fëmijërisë pas 65 minutash.
Phil Foden hyri gjithashtu në fushë në të njëjtën kohë dhe kombinoi me Bellingham për t’i shërbyer një tjetër zëvendësuesi, Eberechi Eze, i cili realizoi një gol të shumë bukur me harkim, që vulosi fitoren e Anglisë në minutën e fundit.
Serbia kërcënoi herë pas here në pjesën e dytë, por Jordan Pickford zgjati rekordin prej 10 ndeshjesh pa pësuar gol, ndërsa ekipi i Tuchel-it ka shënuar 20 gola në këtë fushatë eleminatore.
…
Anglia bën detyrën ndaj Serbisë duke fituar pjesën e parë, 1-0 me golin e Saka në 28’.
Një pasiguri e portierit Rajkovic që shfrytëzohet maksimalisht nga futbollisti i Arsenal në Premier League.
Jude Bellingham qëndroi në stol ndërsa O’Reilly (Manchester City) bëri debutimin në skuadrën e parë. “Tre Luanët” janë të kualifikuar aktualisht ndërsa kanë fituar me goleadë, 5-0 ndeshjen e parë në Beograd.
Serbia ka nevojë për 3 pikët në ishull që të ruajë gjallë shpresat për një vend në Playoff.
Asgjë speciale nga Anglia në 45′ e para por mjaftueshëm për të qënë në kryesim. Dhe kjo është Anglia nën drejtimin e Tuchel, thjeshtë ben detyrën.
Pyetja që mbetet është – A do të jetë Aglia në gjëndje të bëjë detyrën në kontinentin amerikan, verën e ardhshme?
…
Trainerët Tuchel (Angli) dhe Paunovic (Serbi) kanë zyrtarizuar formacionet me të cilët do të zbresin në fushë për eleminatoren mes tyre në “Wembley Stadium” në Londër:
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
