A është krim hedhja e një sanduiçi drejt policisë?

Gazeta Si – Një gjykatë federale në Uashington e ka shpallur të pafajshëm Sean Dunn, i arrestuar më 10 gusht për hedhjen e një sanduiçi të zinxhirit të Subëay-t drejt një agjenti të Patrullës Kufitare Amerikane.

Dunn, 37 vjeç, punonte në Departamentin e Drejtësisë në atë kohë. Ai e bëri këtë në shenjë proteste kundër vendosjes së Gardës Kombëtare, forcës kryesore rezervë të Ushtrisë Amerikane, në kryeqytetin e SHBA-ve nga presidenti Donald Trump.

“Pse jeni këtu? Nuk ju dua në qytetin tim”, u bërtiti ai agjentëve, duke i quajtur ata, ndër të tjera, “fashistë”.

Në gusht, një juri e madhe në Uashington nuk pranoi të ngrejë padi kundër Dunn-it për akuzën e sulmit të rëndë.

Prokurorët më pas vendosën ta ngrenë padinë kundër tij për sulm të rëndë, një krim që mbart një dënim më të lehtë.

BREAKING: A D.C. grand jury has refused to indict Sean Dunn, the man Trump’s administration arrested after throwing a sandwich at a federal agent during protests against Trump’s takeover of the city. Prosecutors called it a “remarkable failure” and “a sharp rebuke by ordinary… pic.twitter.com/UykH1NiJSj
— Ed Krassenstein (@EdKrassen) August 27, 2025

Një juri e madhe është një organ me kompetenca të veçanta që duhet të vendosë nëse ka prova të mjaftueshme për të ngritur padi ndaj një personi të akuzuar për krime veçanërisht të rënda.

Dunn u lirua nga akuza, sepse gjykatësi Carl Nichols vendosi që hedhja e sanduiçit nuk mund të klasifikohej si akt dhune, por më tepër si akt proteste.

Gjatë gjyqit të së martës, Gregory Lairmore, oficeri që u qëllua, tha se sanduiçi kishte “shpërthyer mbi të” dhe se “mori erë qepësh dhe mustardë”, duke shtuar se që atëherë ishte bërë objekt talljeje nga kolegët e tij.

Gjatë marrjes në pyetje, avokatët e Dunn e hodhën poshtë rrëfimin e tij, duke treguar një foto që tregonte sanduiçin ende të mbështjellë me letër.

Pasi hodhi sanduiçin, Dunn u shkarkua, duke u bërë simbol i protestave kundër përdorimit të pamatur të Gardës Kombëtare nga Trump, të cilën ai deri më tani e ka vendosur në shumë qytete të kontrolluara nga demokratët, duke e justifikuar vendosjen me arsye kryesisht të rreme.

Që atëherë, Dunn është njohur në mediat sociale si “djali i sanduiçit”. Gjatë protestave kundër pranisë së ushtarëve në kryeqytet, një banderolë e frymëzuar nga “Flower Thrower” i Banksy-t, përshkruan një protestues duke hedhur një buqetë me lule, ndonjëherë shfaqet në nder të tij (natyrisht, në versionin kushtuar Dunn, lulet zëvendësohen nga një sanduiç).

Para gjyqit, u organizua një mbledhje fondesh GoFoundMe për të mbuluar shpenzimet e tij ligjore.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.